روغتیانادري ناولده

سعودي کې د یوه کس له خیټې «۲۳۰» میخونه ویستل شوي

نن ټکی اسیا (یکشنبه، ۲۵ لړم، ۱۳۹۹ل): په سعودي عربستان کې د ډاکټرانو یوې ډلې ویلي چې دوی د یوه ناروغ له خیټې په بریالیتوب سره ۲۳۰ میخونه او د شیشې یوه ټوټه ویستلي دي.

د سعودي د جدې ښار د روغتیا چارو ریاست پر خپل رسمي ټویټر حساب د سه شنبې په ورځ ویلي، «د الله په فضل د جدې ختیځ په یوه روغتون کې یوې بریالۍ طبي مداخلې د یوه ناروغ له خیټې په ۲۳۰ میخونو او د شیشې يوې ټوټې په ویستلو سره د یوه ناروغ ژوند وژغوره».

دغه حساب زیاتوي، ناروغ په معده کې د سخت درد او پړسوب څخه کړېده، د کلینیکي او راډیولوژیکي ازموینو څخه څرګنده شوه چې د نوموړي په معده کې ګڼ شمېر میخونه موجود دي.

یو شمېر خلکو پر ټویټر حیرانتیا ښودلې چې څنګه یو ناروغ په خیټه کې دومره شمېر میخونه لرلی شي، خو ځینو نورو یې په اړه وضاحت غوښتنه کړې ده.

د ټویټر یوه کاروونکي ویلي، دا پېښه د پوښتنې وړ ده، «څنګه یې میخونه خوړلي، ایا د بیلګې په ډول خوږ خوند لري، ناروغ کوچنی و که ستر، ذهني روغ و که ناروغ، پوه و که جاهل، څنګه دا خبره پرته له وضاحته معقوله کېدی شي؟ زه نورو جزیاتو ته اړتیا لرم زما خو یې په سر درد کړ».

د نړۍ په بېلا بېلو سیمو کې داسې پېښې زیاتې کیږي چې د حیرانتیا وړ دي، له دې وړاندې په مصر کې د یوه ناروغ له خیټې ۲۲ کاشوغوې ویستل شوې وې. دېته ورته پېښې څو واره په هندوستان کې هم شوي دي.

Image

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx