شعـــــرونه

زما د زړۀ زخم لا هغسې دی/ماليار

حماد ماليار

اوبۀ، اوبۀ زخم لا هغسې دی
زما د زړۀ زخم لا هغسې دی

جوړ د تندي له ماتولو نه مې
په زنګانۀ زخم لا هغسې دی

پۀ ملهمي لاس يې ټکور ورکړ خو
د ژوندانۀ زخم لا هغسې دی

ها تور لېوۀ چې يې ارمان داړلی
ها د شپانۀ زخم لا هغسې دی

ماښامه! بيا دې تُوره سيخه کړه خو!
د لمر خاتۀ زخم لا هغسې دی

ترې د وصال پټۍ لا مۀ خوځوه!
مۀ کوه، مۀ! زخم لا هغسې دی

رسم زما د دې يتيمې هيلې
پۀ ګرېوانۀ زخم لا هغسې دی

درد ته يې اوښکې پۀ څپو، څپو دي
رېږدي باڼۀ، زخم لا هغسې دی

پروت د حماد ماليار په وچو شونډو
د بېلتانۀ زخم لا هغسې دی

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx