نړۍ

ټرمپ د لومړي ځل لپاره جوبايډن ته د واک لېږد سره توافق کړی

نن ټکی اسیا (سه شنبه، ۴ لیندۍ، ۱۳۹۹ل): د امريکا ولسمشر ډونلډ ټرمپ د لومړي ځل لپاره منلې، چې جوبايډن ته د واک د لېږد بهیر پي شي.

ټرمپ په خپلو وروستيو څرګندونو کې ويلي، د امريکا د لوړو ګټو لپاره د واک له لېږد سره توافق کوي او سربېره پر دې به هم په ولسمشريزو ټاکنو کې د درغليو پر خلاف خپله مبارزه روانه ساتي.

د امريکا د عامه خدمتونو ادارې «جنرل سرويس ايډمنسټريشن» ويلي، ټرمپ په ولسمشريزو ټاکنو کې د جوبايډن بريا منلې ده.

د عامه خدمتونو اداره د امريکا د استخباراتو له فدرالي ادارو سره همکاري کوي او په عين وخت کې د ولسمشرۍ د واک د لېږد مسؤوليت يې هم پر غاړه وي.

تر دې وړاندې په مشيګن ايالت کې جوبايډن په رسمي ډول ګټونکی اعلان شوی و، چې د ټرمپ لپاره ستر ګزار بلل کيږي.

د عامه خدمتونو د ادارې مشرې ايملي مرفي ويلي، د جوبايډن ادارې ته يې خبر ورکړی، چې د واک د لېږد بهیر پيلېدونکی دی.

مېرمن مرفي وايي، د نوي ولسمشر لپاره به د لومړي ځل لپاره ۶۳ لکه ډالره هم ورکول شي.

ټرمپ څه ويلي؟

د امريکا ولسمشر ډونلډ ټرمپ ويلي: «د حق جګړې ته د دوام ورکولو سربېره مې د خپل هېواد ګټو په نظر کې نيولو له مخې ايملي او د هغې ټيم ته امر کړی، چې د ابتدايي پروټوکول لپاره بشپړ تياری وکړي او ما خپل ټيم ته هم ورته لارښوونه کړې ده.»

ايملي مرفي ويلي، چې د واک د لېږد په اړه له هېڅ ډول فشار سره نه ده مخ او جوبايډن ته يې هم په خپل ليک کې ويلي، چې د واک د لېږد ځنډولو په اړه ورته هېڅ ډول فشار نه دی متوجه.

مېرمن مرفي زياته کړې: «خو دا يادونه بايد وکړم،چې ما ته انلاين، په ټيليفون، بريښنالیک، زما د کورنۍ غړو او حتا پالونکو حيواناتو له لارې ګواښونه شوي، چې زه بايد له وخت مخکې دا ګام پورته کړم، خو د زرګونو ګواښونو سربېره به هم زه د قانون حاکميت ته درناوی ولرم.»

د عامه خدمتونو د ادارې مشره د جمهوري پلوو او ديموکراټاو دواړو ګوندونو له لوري د واک د لېږد پروسه کې د ځنډ له امله له نيوکو سره مخ ده.

د يادونې وړ ده، چې ډونلډ ټرمپ خپل سيال جوبايډن په درغلۍ تورن کړی و او د ولسمشريزو ټاکنو د پایلې نه منلو ګواښ يې کړی و، خو اوس يې يو ځل بيا ويلي، چې د هېواد د لوړو ګټو لپاره په ټاکنو کې خپله ماتې مني، خو بیا به هم د ټاکنيزو درغليو د څېړنو لپاره خپلې مبارزې ته دوام ورکوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x