شعـــــرونه

شهيده ګلبشره/ محمد عليم بسمل

محمد عليم بسمل

ژوند د واورو په کفن کې راوريږي
له اسمانه زړه نا زړه راښکته کيږي

ډير پيريان دي دلته دا سيمه درنه ده
نه پيريان نشته د مرګ ډار دى جګړه ده

ځکه هر څوک ليوني غوندې ښکاريږي
ليوني نه پيرياني غوندې ښکاريږي

چې په سپين کفن د واورو کې پرته ده
زما د ګران وطن شهيده ګلبشره ده

سيمې مړې ښکاري او غرونه لکه قبر
خوشحالۍ شهيدې زړونه لکه قبر

د تبۍ په سر تنها ناست يم ژړيږم
د شهيد جانان له غمه ويلې کېږم

مجلس نشته د يارانو توخانه کې
څوک ورک شوي او څوک پروت دي جيلخانه کې

پنجشنبې د ماسپښين مزه دې لاړه
د حجرې د ماسپښين مزه دې لاړه

خبر اوښکې کړم ګريوان سره غږيږم
د جمعې په شپه له ځان سره غږيږم

چې په چا باندې ډير ګرم وې زړګيه
سږ کال ژمى هغه نشته ليونيه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x