افغانستان

پاکستان د خپلو بندیانو د خلاصون له امله له اشرف غني مننه کړې

نن ټکی اسیا (سه شنبه، ۴ لیندۍ، ۱۳۹۹ل): پاکستاني چارواکو د کابل حکومت د مشر «اشرف غني» هغه فرمان ستایلی، چې په اساس یې یو شمېر پاکستاني زندانیان باید د حکومت له زندانونو ازاد کړل شي.

ولسمشرۍ ماڼۍ تېره ورځ د «حسن نیت او له پاکستان سره د اړیکو د غښتلتیا» په پلمه په یوه څلور مادې لرونکي فرمان کې حکم ورکړ، چې ټول هغه پاکستاني بندیان چې د بند موده یې تر یوې میاشتې کمه پاتې وي؛ له بنده خلاص او نقدي جریمې یې ورته بښل شوې.

د افغانستان لپاره د پاکستان ځانګړي استازي «محمد صادق» په همدې تړاو له اشرف غني مننه کړې او پر ټویټر یې لیکلي « پاکستان د ولسمشر اشرف غني د حکم او ښه نیت چې پر اساس به یې په افغانستان کې بند پاکستانی اتباع خوشې شي مننه کوي. له تاسې مننه.»

یاده دې وي، چې اشرف غني وروسته له هغه د پاکستاني بندیانو د خلاصون فرمان صادر کړ چې تېره اوونۍ د پاکستان لومړی وزیر «عمران خان» د یوه لوړپوړي پلاوي په مشرۍ کابل ته راغلی او دلته یې د ګډلیدلوري په نامه یو سند هم لاسلیک کړ.

په یاد سند کې ویل شوي، چې دواړه هیوادنه به په ټولنیزو، امنیتي او استخباراتي برخو کې خپلې اړیکې ژوروي، خپله خاوره د بل په ضد نه کاروي او ټول هغه کسان به په ګډه همکارۍ له منځه وړل کېږي، چې د «سولې ضد او په وړاندې يې خنډ» دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
دوکتور غروال

دا قاتل امرالله صالح د ایران ، پاکستان ، روسیی او امریکا جاسوس او دډالرو غل په څه غلامی تعظیم سره پنجابی پاکستان بادار عمران خان ته ولاړ دی ولو چی دی شورای نظار ستر قاتل د پنجابی پاکستان په برخه کښي مصنوعی اعتراضونه شروع کړی وواو همدارنګه د طالبانو په مقابل کښي ئي هم منفی جدیت ښکاره کاوه! په واقعیت کښي دا مضر خرڅ شوی مکروبونه د اجنبیو هر ډول غلامی ته لاس په نامه ولاړدی او ددوی هر ضدی افغانی اعمال ددوی په وسیله د ۲۰۰۱ کال راپدی خوا ملت ته ډیر ښه څرګند شوی دی ، ددی… نور لوستل »

Back to top button
1
0
Would love your thoughts, please comment.x
()
x