افغانستان

طالبانو په غزني کې د خپل قومندان وژل کېدو دولتي «ادعا» رد کړه/ ویډیو

نن ټکی اسیا (دوشنبه، ۱۰ لیندۍ، ۱۳۹۹ل): طالبانو په غزني ولایت په «ګیرو» ولسوالۍ کې د خپل قومندان په ګډون د ۸ طالبانو د وژل کېدو دولتي «ادعا» رد کولو ترڅنګ ویلي، چې اصلا په دغه نوم کوم قومندان نه لري.

تردې وړاندې د کابل حکومت دفاع وزارت د یوې خبرپاڼې په خپرولو سره ادعا کړې وه، چې تیره شپه یې د ګیرو ولسوالۍ په «علي شیرخیل» کلي کې د حمزه وزیرستاني په نوم طالبانو هغه قومندان له ۷ نورو ملګرو وژلی، چې تیره ورځ یې د غزني مرکز ته څېرمه د نظم عامه په کنډک خونړی موټربم برید پلان کړی ؤ، کومه ادعا چې طالبانو رد کړې ده.

د طالبانو ویاند ذبــیح الله مـــجـــاهـــد په خپلې ټویټر پاڼې لیکلي، چې اصلا د حمزه وزیرستاني په نوم ددوی کوم ملګری نه شته او هغه انځور چې د کابل حکومت دفاع وزارت خپور کړی، د مـــجـــاهد په خبره هغه د پکتیکا ولایت په ګیان ولسوالۍ کې د کرامت خان په نوم د یو «مجـــاهـــد» دی چې ژوندی او په «جهادي» فعالیت مصروف دی.

باید وویل شي چې تیره ورځ د غزني ولایت مرکز ته څېرمه د نظم عامه پولیسو په ګډ مرکز د طالبانو موټربم برید کې د چارواکو  په خبره ۳۱ دولتي عسکر مړه او ۴۰ نور ټپیان شوي وو؛ خو عیني شاهدانو بیا د تلفاتو شمېر ددې څو چنده زیات ښودلو.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
ترین

په ۲۱ پیړی کی دا رانګه شیان غواړی حکومت راباندی وکړی

Back to top button
1
0
Would love your thoughts, please comment.x
()
x