شعـــــرونه

دنيا کې زندګي د مسافر غوندې پکار ده/ صادق

لطيف الله صادق

دنيا کې زندګي د مسافر غوندې پکار ده
د حق خبره هر چېرته د نر غوندې پکار ده

چې کاڼې زر زيور دې په رفتار اثر ونکړي
ډک زړه څپاند رفتار د سمندر غوندې پکار ده

تندی له کاڼې کلک د هر خطر لپاره ساته
غمونو ته مضبوط زړګی د غر غوندې پکار ده

چې سر پکې ټيټيږي هغه ژوند له مرګه جار شه
خبره ښه په نره د عمر (رض) غوندي پکار ده

نور وخت زمونږ د اوښکو څڅولو پورې خاندي
لمانځنه د غمونو د اختر غوندې په کارده

ملا! د کنايې او د مجاز خبرې پرېږده
خبره ښه صفا د بجليګهر غوندې پکار ده

دعوت به دې د حق په وينو رنګ کړي تر ښنګرو
سينه ورته درياب د پيغمبر (ص) غوندې پکار ده

کعبه د رب ساتل (صادقه) دومره ضرور نه دي
سا تنه د زړګيو د پرهر غوندي پکار ده

لطیف الله صادق

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x