افغانستان

کابل حکومت له پاکستان سره نظامي کمېټه جوړه کړې

نن ټکی اسیا (سه شنبه، ۱۱ لیندۍ، ۱۳۹۹ل): کابل ته د پاکستان د لومړي وزیر «عمران خان» د سفر او د ګڼ شمېر پاکستاني بندیانو د خلاصون په تعقیب د کابل حکومت او اسلام اباد تر منځ ګډه نظامي کمېټه جوړه شوې.

په کابل کې د پاکستان سفیر «منصور احمد خان» له اریانا نیوز سره په خپله تازه مرکه کې ویلي، چې د دواړو هیوادونو ګډو نظامي او امنیتي چارو ته د لاسرسي په موخه د کابل او اسلام اباد تر منځ نظامي کمېټه جوړه شوې.

نوموړي که څه هم ددې کمېټې د جوړښت او ترکیب په اړه نور جزئيات نه دي ورکړي؛ خو د غني له لوري د پاکستاني بندیانو د خلاصون له فرمان یې هرکلی کړی او په خبره یې دا ګام به د پاکستان او افغانستان اړیکې نورې هم غښتلې کړې.

منصور احمد خان ددې تر څنګ د سولې رامنځته شوی فرصت د افغانستان لپاره بې ساری بللی او ادعا يې کړې چې په دوحه کې د مذاکراتو او سولې پروسې پرمختګ ددوی، امریکا  او نورو هیوادونو د ګډو د هڅو پایله ده.

د پاکستان سفیر په دواړو هیوادونو غږ کړی، چې تېر په هېر حساب کړي او په راتلونکي کې د غښتلو اړیکو نوی باب پرانېزي.

د پاکستان سفیر داسې مهال د نظامي کمېټې د جوړېدو خبر ورکوي، چې څه موده وړاندې پاکستان ته د عمران خان له سفر سره هم مهاله کابل حکومت له پاکستان سره د «ګډ لیدلوري» تر نامه لاندې سند لاسلیک کړ او په یاد سند کې ټینګار وشو، چې دواړه لوري به په امنیتي او استخباراتي برخه کې اړیکې غښتلې کوي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
طوطی

غنی وزرونه کړی. وایی چی د مږی مرګ رانیژدی شی بیا وزرونه کوی. غنی د خپل حکومت د بقا لپاره هر خواته لاس اچوی ولو که وطنفروشی هم وی. الله دی ورک کړی.

Back to top button
1
0
Would love your thoughts, please comment.x
()
x