شعـــــرونه

او ماښام دی/ سپين کوچی

سپين کوچی

ستا نامه هم عجیبه ده او ماښام دی
ورکه کړې مې کوڅه ده او ماښام دی

ښه نو چاته دروازه د کور ټک،ټک کړم
بنده هره دروازه ده او ماښام دی

چانه و پوښتم چې چېرته د چا کور دی؟
رانه هېره دې نامه ده او ماښام دی

بس؛ ښکالو اورم د خپلو قدمونو
خاموشي هر خوا خوره ده او ماښام دی

نۀ رڼا شته، نۀ ژړا د ماشومانو
کلی نۀ دی، هدېره ده او ماښام دی

غلو پۀ لار کې ټلیفون رانه  اخیستی
پکې بنده مې شمېره ده او ماښام دی

د سکون څرک پکې نۀ لګي کوچیه!
ژوندون وېره، اندېښنه ده او ماښام دی !!!

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x