افغانستان

ولایتي شورا: زابل سقوط کوي

نن ټکی اسیا (جمعه، ۵ مرغومی، ۱۳۹۹ل): د زابل ولایت د ولایتي شورا غړي وایي، د یاد ولایت زیاته سیمه د طالبانو تر حاکمیت لاندې ده او که چېرې حالت همداسې دوام وکړي زابل به د طالبانو لاس ته ولوېږي.

د زابل د ولایتي شورا رییس «عطا جان حق بیان» وایي، د زابل پنځه ولسوالۍ اوس هم د طالبانو په لاس کې دي او زابل د سقوط د کړنګ پر غاړه ولاړ دی.

د عطاء جان په خبره، د کندهار-زابل لویه لار هم د طالبانو لاس ته لوېدلې او درې ورځې وړاندې هغوی توانېدلي د اتغر ولسوالۍ ته هم سقوط ورکړي.

د زابل امنیتي چارواکو که څه هم د ولایتي شورا د څرګندونو په اړه څه نه دي ویلي؛ خو د اتغر ولسوال د خپلې ولسوالۍ د سقوط ادعاوې ردوي او په خبره یې امنیتي ځواکونو تکتیکي په شا تګ کړی.

نوموړي ادعا کړې چې له کلیوالو سیمو څخه د جګړې ایستلو په موخه دولتي عسکرو خپل مرکز ته په شاتګ کړی تر څو د ولسي وګړو د تلفاتو مخه ونیول شي.

ورته مهال د زابل ولایت یو شمېر اوسېدونکو  بیا له اریانا نیوز سره په خبرو کې ویلي، چې د کندهار-زابل پر لویه لار طالبانو یو شمېر پوستې نیولي دي.

 

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
الحاج استا اذ بیانزی

د غلامی اداری څخه به په نزدی ورځو کی واوری چه د ارګ غلامانو له ارګه د کرزی نړیوال هوایی ډګر ته تاکتیکی شاتګ کړی

Back to top button
1
0
Would love your thoughts, please comment.x
()
x