شعـــــرونه

د غزې درد

دفلسطين د مظلوم اوښکې وچول په کار دي
اسرايلي وحشت ته مخکې درېدل په کار دي

دا دومره لويه اسلامي نړۍ او ګونګه چوپتيا
لږ خپل ضمير او خپل وجدان نه شرمېدل په کار دي

که مو کفار په ډلو وژني او ويشل مو غواړي
نو مونږ ته ولې بيا غافل ويده کېدل په کار دي

هغه چې غواړي مسلمان کړي تريو حده  محدود
هغوی اول اول دستي له منځه وړل په کار دي

غزې!!! دستا درد مې احساس کړلو راورسېده
ستا په دفاع کې يقينآ قربانيدل په کار دي

خو مونږ ته خپل وطن کې هم يهودو غم جوړ کړی
هلته هغوی او دلته دوی سم زغلول په کار دي

اوښکې مې ستا په معصومانو باندې وڅڅېدې
اقصی!! ستا خواوې له يهودو پاکول په کار دي

مشفقه نه راځي پروا نه د تورو نه ټاپو
د مسلمان په درد ضرور زړه دردول په کار دي

مشفق حريتمل
۲۰۱۴/۷/۱۰

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x