ورزش

میسي د برسلونا په تاریخ کې په لومړي وار له لوبې وشړل شو – ویدیو

نن ټکی اسیا (دوشنبه، ۲۹ مرغومی، ۱۳۹۹ل): د نړۍ مشهور فوټبال ستوری لیونل میسي ته د برسلونا په تاریخ کې په لومړي وار سور کارت ورکړل شو او له لوبې بهر شو.

برسلونا لوبډلې د اتلاتیک بیلباو لوبډلې پر وړاندې د سوپر کپ پایلوبه کې له سختې او جالبې لوبې وروسته په ۲-۳ ماتې وخوړه.

د هسپانوي کلب برسلونا مشهور ارجنټایني ستوري لیونل میسي چې د برسلونا لوبډلې لپاره یې ۷۵۳مه سیالي ترسره کوله په لومړي وار سور کارت ورکړل شو او له لوبې بهر شو.

میسي په داسې حال کې د سوپر کپ پایلوبه کې د اتلاتیک بیلباو لوبغاړي اسیر ویلالیبر سره تشدد وکړ چې نوموړي د سوپر کپ جام له لاسه ورکړی و، هغه ته د لوبې په ۱۲۰مه دقیقه کې سور کارت ورکړل شو.

په ۱۲۰مه دقیقه کې سیال لوبغاړي د میسي د وړاندې تلو مخه نیوله چې میسي هغه تر پر مخ ګوزار ورکړ، که څه هم لوبڅار هغه مهال پېښه عادې وګڼله خو د ویدیو معاون لوبڅار VAR څخه څرګنده شوه چې میسي تیروتنه کړې او سور کارت یې ولید.

شونې ده لیونل میسي د یادې کړنې له کبله لږ تر لږه له څلورو داخلي لوبو کښینول شي.

په هسپانوي سوپر کپ پایلوبه کې برسلونا لوبډلې که څه هم د فرانسوي انتواني ګریزمن په مرسته دوه ګولونه ووهل خو ونه توانېد دغه جام په خپل نوم کړي.

له دې وړاندې میسي دوه واره له لوبې بهر شوی چې دواړه واره د ارجنټاین ملي لوبډلې لپاره. په لومړي ځل د ارجنټاین په استازیتوب په خپله لومړۍ لوبه کې د هنګري لوبډلې پر وړاندې په ۲۰۰۵م کال کې، او دوهم وار په ۲۰۱۹م کال کې د چیلي لوبډلې پر وړاندې په کوپا امریکا جام کې.

برسلونا لوبډله د یاد جام پایلوبه کې له بریا څو ثانیې وروسته وه چې د اتلاتیک بیلباو لوبغاړي اسیر ویلالیبری په ۹۰مه دقیقه کې ګول وواهه او لوبه یې مساوي کړه. بیلباو لوبډلې په اضافي وخت کې دریم ګول وواهه او د یاد جام اتلولي یې خپله کړه.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x