روغتیا

روسیه وایي د کرونا ضد دوهم واکسین یې ۱۰۰ سلنه فعال دي

نن ټکی اسیا (چهارشنبه، ۱ سلواغه، ۱۳۹۹ل): د روسیې روغتیا څارنې سازمان چارواکو سه شنبه اعلان وکړ چې د کرونا ویروس پر وړاندې دوهم چمتو شوي واکسین یې ۱۰۰ سلنه اغیزناک دي.

د روسیې «ټاس» خبري اژانس ویلي، کلنیکي ازموینو دوهم واکسین سل سلنه موثر ثابت کړي دي.

په تېر نومبر میاشت کې د روسیې په سایبیریا سیمه کې د ویکټور انستیتیوت له لوري د دوهم واکسینو «ایپیواک کرونا» ډله ایزې ازموینې ترسره شوې دي.

ماسکو وایي چې د کرونا پر وړاندې یې لومړي واکسین «سپوتنیک وي» د لومړیو ازموینو له مخې د خلکو په ساتنه کې ۹۲ سلنه اغیزناک دي.

د نړۍ په بېلا بېلو هېوادونو د کرونا واکسین پېل شوي چې تر دې دمه ملیونونه کسان واکسین شوي او لا هم دغه پروسه سوکه مخ پر وړاندې روانه ده.

د روسیې سپوتنیک وي واکسین په نړۍ کې لومړني وو چې تر ټولو وړاندې یې د چمتو کېدلو دعوه وکړه، خو هغه مهال دغه واکسین د روغتیا نړیوال سازمان له لوري تایید نشول.

د روسیې واکسین اوسمهال په هندوستان، عربي امارات، مصر، وینزویلا، بیلاروس کې د ازموینو لاندې، او په الجزایر، ارجنټاین، بیلاروس او سربیا کې د سرایت لپاره ثبت شوي او په روسیه کې په بیړني ډول کارول شوي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x