افغانستان

بغلان کې د دولتي عسکرو په توپچي برید د یوې کورنۍ ۸ غړي ټپیان شوي

نن ټکی اسیا (جمعه، ۳ سلواغه، ۱۳۹۹ل): د بغلان ولایت په مرکز پلخمري کې د دولتي عسکرو په توپچي برید د یوې کورنۍ ۸ غړي ټپیان شوي دي.

دا پېښه وړمه ورځ د پلخمري اړوند خلازیو سیمه کې هغه مهال رامنځته شوه، کله چې د دولتي عسکرو لخوا توغول شوې د هاوان یوه مرمۍ د شرف الدین په نوم د یو ملکي کس په کور را پرېوتله.

د سیمه ییزو سرچینو په حواله په دغه پېښه کې د یادې کورنۍ ۸ غړي ټپيان شوي او کور یې هم ویجاړ شوی دی.

سرچینې زیاتوي، په ټپیانو کې میرمنې، ماشومان او نارینه شامل دي، چې د درملنې لپاره د بغلان ولایتي روغتون ته رسول شوي دي.

باید وویل شي چې په دې وروستیو کې د ملکي خلکو په کورونو د دولتي عسکرو «ړندې» بمبارۍ او توپچي بریدونه زیات شوي، چې ورسره د ملکيانو د تلفاتو کچه هم په بې سارې توګه لوړه شوې ده.

دا په داسې حال کې ده چې دوه میاشتې مخکې طالبانو په ټولو هغو دولتي پوستو او مرکزونو د بریدونو خبرداری ورکړی وو، له کومو ځایونو څخه چې د ملکي خلکو کورونه او عامه تأسیسات په توپونو ویشتل کیږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x