افغانستان

پکتیا کې د کمانډو عسکرو یو جګپوړی قومندان ترور شوی

نن ټکی اسیا (جمعه، ۳ سلواغه، ۱۳۹۹ل): د پکتیا ولایت په مرکز ګردیز ښار کې د کمانډو عسکرو یو جګپوړی قومندان عادل ننګ په یو وسله وال برید کې وژل شوی دی.

دا پېښه پرون ماښام د ګردیز ښار اړوند «ځوانانو» چوک کې هغه مهال رامنځته شوه، کله چې غلچکي بریدګرو د قومندان عادل د سپرلۍ په موټر ډزې وکړې.

د پکتیا ولایت ځايي چارواکي وايي، په دغه برید کې قومندان عادل ننګ او د هغه یو ساتونکی وژل شوی او بریدګر د پېښې له ځایه په تېښته بریالي شوي دي.

قومندان عادل ننګ د پاچان زوی د پکتیا ولایت زرمت ولسوالۍ اوسېدونکی ؤ، چې پر افغانستان د امریکایانو د یرغل په لومړیو کلونو کې د امریکایانو د محلي همکار په توګه کار پیل کړ، وروسته د ضربتي(کمپاین) په نوم ځانګړو ځواکونو غړی او د یو ټولي قومندان مقرر شو.

د برید مسئولیت طالبانو په غاړه منلی او زیاته کړې یې ده چې قومندان عادل ننګ یې ځکه تر هدف لاندې راوستی، چې له امریکایانو سره یې د ملکي افغانانو په کورونو چاپو او شپنیو عملیاتو کې خلکو ته ګڼ مالي او ځاني زیانونه اړولي وو.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
ورک ځاځی

هیله ده ترور شوی مه ورته وایی. دوی مردار دی.

Back to top button
1
0
Would love your thoughts, please comment.x
()
x