شعـــــرونه

غزل – استاد ناګار

لکه ګلاب ښکاري بغداد انځور رنګين ورسره
مصر په وينو کې لمبيږي فلسطين ورسره

د زمانې کوم يو فرعون ته بيا نيل جوړيږي
څپې څپې ځې زموږ وينې اباسين ورسره

د پروني غازي وارث د اکبر توره څه کړه
څنګه به غاړه ګرځوي زنار ورېښمين ورسره

چوپ دې شپيلۍ د تکبير مه شه د ختيځ فاتحه
شمله دې هسکه په ننګ اوسه هوډ يقين ورسره

خلک به وايي چې اسلام او پښتو څه مانا؟
څوک چې غزا له ځي ناګاره! اس که زين ورسره

استاد فضل ولي ناګار

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x