افغانستانسولې اړوند خبرونه

عبدالله عبدالله: د سولې تر توافق وروسته پاتې طالب بندیان خلاصېدای شي

نن ټکی اسیا (پنجشنبه، ۹ سلواغه، ۱۳۹۹ل): د کابل حکومت د پخلاینې عالي شورا رییس «عبدالله عبدالله» له تور لست څخه د طالب مشرانو د نومونو ایستل او د هغوی د بندیانو خلاصون د کابل د مذاکراتي‌ ټيم او طالبانو تر منځ د سولې په توافق پورې مشروط دي.

عبدالله عبدالله تېره ورځ‌ په کابل کې د سولې په تړاو رابلل شوې یوې ناستې ته ویلي، چې د طالب بندیانو خلاصون او له تور لست څخه د طالب مشرانو د نومونو ایستل د طالبانو او امریکا تر منځ‌ د لاسلیک شوي‌ تړون برخه دي او هغه وخت شونی دی چې طالبان د جمهوریت له مذاکراتي‌‌ ټيم سره د سولې توافق ته ورسېږي.

عبدالله وړاندې زیاته کړې، چې د سولې اوسنی فرصت باید د نظریاتو د تقابل له امله ضایع نکړل شي؛‌ ځکه دده له قوله، د سولې د تامین ډېر فرصتونه له منځه تللي‌ دي او له امله یې په افغانستان کې جګړه لا هم له خلکو قرباني‌اخلی.

د عبدالله له لوري‌ پورتنۍ څرګندونې داسې مهال دي، چې په دوحه کې د طالبانو او امریکا تر منځ د لاسلیک شوي تړون په اساس له افغانستانه د بهرنیو ځواکونو د وتلو لړۍ پيل شوې او تر څنګ یې په دوحه کې د افغان سولې خبرو دوهم پړاو هم دوام لري.

د یاد تړون په اساس د بین الافغاني‌ مذاکراتو له پیلېدو وروسته باید د پاتې طالب بندیانو د خلاصون لړۍ پیل شي‌ او امریکا هڅه وکړي‌ په ملګرو ملتونو کې طالب مشران له تور لست څخه وباسي.

 

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
طوطی

توافق له چا سره؟ طالبان ټول په سفر وتی دی او چکری وهی. توافق د سولی چی وشی بیا بیا نو نور څه پاتی کیږی هر څه به ښه شی.

Back to top button
1
0
Would love your thoughts, please comment.x
()
x