دیني، سیرت او تاریخ

باطل پال د تېري او طغيان ځواک جګړې ته هڅوي

عبدالمالک همت

د حق او باطل يا د دې دواړو د پلويانو ترمنځ جګړه پر زور او قدرت باندې په تکيه سره ترسره کيږي. په داسي توګه چي له دې دوو اړخونو څخه هر يو پر بل باندي د غلبې او د هغه له منځه وړلو او د هغه د ځاى او مرکز د نيولو په لټه کي وي.

پر دې بنسټ باطل پالي د دوى پر اوسني واک او شتون او پر همدې اوسني باطل باندي پر پاته کېدو بسنه نه کوي. بلکي کوښښ کوي چي له زور او زرو څخه په ګټه اخيستنه او يا نورو وسايلو د حق او حق پالونکو کمبله ټوله کړي،  له منځه يې يوسي، او خلک د دسيسو په جوړولو، د موانعو په ايجادولو او مرګ ژوبله له حق، حق پالو او حق پالني څخه راوګرځوي او په زړونو کي يې له هغو څخه کرکي رامنځ ته کړي، څو هغه مادي او معنوي شته، واک او ګټي چي دوى يې غواړي تر لاسه کړي.

هو، دا د باطل او د هغه د ځواک ځانګړنه ده. دغه ځواک باطل او باطل پال طغيان، پولو ماتولو او تېري ته وربولي او هڅوي يې چي د دغه ځواک له کاروني او د جګړو د اور بلوني څخه په ګټه اخيستنه د حق او د حق د خاوندانو له منځه وړلو ته ودانګي. لوى څښتن په دې هکله فرمايي:

اِنَّ الَّذِیْنَ كَفَرُوْا یُنْفِقُوْنَ اَمْوَالَهُمْ لِیَصُدُّوْا عَنْ سَبِیْلِ اللّٰهِ ؕ فَسَیُنْفِقُوْنَهَا ثُمَّ تَكُوْنُ عَلَیْهِمْ حَسْرَةً ثُمَّ یُغْلَبُوْنَ ؕ۬ وَ الَّذِیْنَ كَفَرُوْۤا اِلٰی جَهَنَّمَ یُحْشَرُوْنَۙ۝۳۶ [الانفال: ۳۶].

ژباړه: کومو کسانو چي کفر غوره کړى دى، هغوى خپلي شتمنۍ د دې لپاره لګوي(خپلو پلويانو، لاسپوڅو او ورک لارو ته يې ورکوي) چي خلک (مومنان) د الله له لاري (او پر خداى او د هغه پر پيغمبر باندي له ايمان) څخه راوګرځوي. دوى خو به په دې لار کي خپل مالونه ولګوي، مګر بيا به د دوى د دغو لګښتونو پايله هغو ته د افسوس او پښېمانۍ لامل وګرځي (ځکه مالونه به يې له لاسه ووزي او هغو هيلو ته چي دوى يې د لوى څښتن د رڼا د له منځه وړلو او د هغه له لاري څخه د خلکو د راګرځولو لپاره لري ونه رسيږي) او پاى به دا کسان (د مومنانو په وړاندي) مغلوب (او د ماتي سره مخامخ) سي. او د غه کافران به (په آخرت کي) د جهنم دوږخ لور ته ورټول کړى سي.

دغه راز فرمايي:

وَ لَا یَزَالُوْنَ یُقَاتِلُوْنَكُمْ حَتّٰی یَرُدُّوْكُمْ عَنْ دِیْنِكُمْ اِنِ اسْتَطَاعُوْا ؕ [البقرة : ۲۱۷].

ژباړه: او (ای مومنانو !) دغه (کفار) به ستاسي سره پرله پسې په جګړه (او د خپلو جرايمو او ظلمونو په تر سره کولو)  اخته وي، ان تر دې چي که يې وس ورسيږي تاسي به له خپل (حق) دين څخه  اړولو(مرتد کېدو او د دوی باطل دين منلو) ته چمتوکړي.

له هغه ځايه چي د حق د پلويانو سره د حق د پټوونکو او له منځه وړونکو جګړه د دوى د عقايدو او باطلو ګټو د ننګي او دفاع لپاره ده، ځکه نو دا د طاغوت ( شيطان) په لار کي جګړه ده. لکه چي لوى څښتن فرمايي:

﴿الَّذِينَ آمَنُوا يُقَاتِلُونَ فِي سَبِيلِ اللَّهِ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفًا (76)﴾[النساء : ۷۶].

ژباړه: کومو خلکو چي ايمان راوړى دى(په خپل ايمان کي د اعتقاد او عمل له مخي رشتيني دى)، هغوى د الله (د حق او د حق د خاوندانو د نصرت) په لار کي جنګيږي او کومو خلکو چي کفر غوره کړى دى، هغوى د طاغوت (په ځمکه کي له حده د تېری کوونکو سرکښانو د تېري او  فساد، شيطانانو، ظالمانو  او ټولو هغو شريروکسانو چي خلک ګمراهۍ ته بولي) په لار کي جګړه کوي. ځکه نو (اى مسلمانانو!) تاسي (دکفارو او مشرکينو دغو) د شيطان د دوستانو (ملګرو او پيروانو) سره وجنګېږئ.(په ياد ولرئ چي) د شيطان چلونه (اوسازشونه) په حقيقت کي ډېرکمزوري دي.

او دا هم ده چي دغه د طاغوت په لار کي جګړه کوونکي کافر باطل پال د هيڅ عهد او ژمني پای بند هم نه دي، قرآن کريم او تاريخونو جوته کړې ده چي که تعهد د دوی په ګټه وو پر درېږي، خو که يې لږ په تاوان هم وو، بيا يې ماتوي او هيڅ نه پر درېږي. دوی په پلاوو پلاوو د مسلمانانو سره کړي تړونونه او ژمني ماتي کړي دي، د دغو پر ژمنه نه درېدونکو کفارو په هکله لوی څښتن فرمايي:

﴿ إنَّ شَرَّ الدَّوَابِّ عِندَ اللَّهِ الَّذِينَ كَفَرُوا فَهُمْ لا يُؤْمِنُونَ * الَّذِينَ عَاهَدتَّ مِنْهُمْ ثُمَّ يَنقُضُونَ عَهْدَهُمْ فِي كُلِّ مَرَّةٍ وهُمْ لا يَتَّقُونَ * فَإمَّا تَثْقَفَنَّهُمْ فِي الحَرْبِ فَشَرِّدْ بِهِم مَّنْ خَلْفَهُمْ لَعَلَّهُمْ يَذَّكَّرُونَ﴾  [الأنفال: 55-57].

ژباړه: باور ولرئ چي (په ځمکه کي له مخلوقاتو څخه) د الله په وړاندي هغه  خوځېدونکي ډېر بد  دي  چي (د الله او د هغه د پيغمبر په اړه) پر کفر باندي ټينګارکوي او(پر کفر باندي د دې ټينګار له امله) ايمان نه راوړى. (د لوى څښتن پيغمبران رشتيني نه ګڼي ، د خداى يووالى نه مني او نه يې د شريعت مطابعت کوي). دا هغه خلک دي چي تا ژمنه ور سره لاسليک کړې ده، خو د دې سره سره دوى هر وار خپله ژمنه ماتوي او هيڅ نه وېريږي.

ځکه نو که چيري پر دوى په جګړه کي برلاسی سې ، نو داسي عبرتناکه سزا ورکړه چي د دوى تر شاولاړ کسان لا ووېريږي او تيت او پرک سي. ښايي چي په دې توګه پند واخلي.

د اوسنيو امریکايي باطل پالو طواغيتو په هکله بايد وويل سي چي دوی اوس له جګړو څخه سخت ستړي سوي او په ماته مات دي؛ له اقتصادي پلوه سخت ځپل سوي دي؛ د بهرنيو هيوادونو او خپلو خلکو تريلينونه ډالر پوروړي دي؛ د خپلو عامو خلکو د سخت قهر او کرکي سره مخ دي؛ له نړي والو څخه يې پرته له څو تنو دوی وارو طاغوتيانو په بل هيچا کي روغ زړه نه دی پرې ايښی؛ د نړۍ لوی او واړه قدرتونه يې په وړاندي سخت ولاړ دي او پرله پسې مزاحمت يې کوي، نو چي دوی د مجاهدينو سره کړی تړون ماتوي زموږ اتل مجاهدين يې بايد تر پخوا لا زيات وځپي:

﴿ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ ﴾ [التحريم: ۹].

( د کافرانو [سره په وسله] او د منافقانو سره [په ژبه ، دليل او د شرعي حدودو په اقامه په بشپړ ځواک او پوره مړانه] جهاد وکړه. او [د دواړو ډلو سره] ډېر سخت چلند وکړه).

﴿ وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ ﴾ [البقرة :۱۹۱].

(او [چي جګړه ونښته، څنګه چي د جګړې پيلېده د هغو له خوا دي، نو] هغوى چي  هر چيري پيدا کړئ وژنئ يې، او له هغه ځايه يې وباسئ چي تاسي يې ځني ايستلي ياست).

پای.

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx