شعـــــرونه

له ګلونو نه دې ډکه کړه هینداره/ناګار

استاد فضل ولي ناګار

رنګ یې واخیست ستا د سترګو له ځمیاره
له ګلونو نه دې ډکه کړه هینداره

اننګي دې له خندا رنګیني اخلي
په لالونو کې ږلۍ ده را ایساره

د غاټولو ټله! ټال په نسیم وخوره
شه بهیر د شفقونو تر سهاره

په اذان کې سوز او درد د بلال نشته
په شپېلۍ باندې مې ویښ کړه له خومـاره

د خیبر په فضا تورې وریځې راغلې
ښـکلې زاڼې پاتې نه شي له کتاره

ستا کوڅه کې پرې نازل عجیبه کیف شو
ناګار ومونده جنت ته لنډه لاره

 

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx