نظــر

د لوګر هوایي ډګر

عبدالستار سعادت

په نړۍ کې ټول حکومتونه خپلو خلکو ته دروغ وایي؛ خو، د دروغو اندازه، ډول او سطحه یې فرق کوي. د دروغو ډول، سطحه او اندازه هم د ملتونو د شعور او حافظې تر اټکلولو وروسته ټاکل کېږي. هوښیارو او محاسبو ملتونو ته یې حکومتونه لږ دروغ وایي، چې ډېر مجبور شي دروغو ته زړه ښه کوي او یا یې په دومره لوړ مهارت وایي چې رښتیا کېدل یې لسیزې وخت ونیسي.

زمونږ حکومت ډېر، پراخ، دایمي او د ټیټې سویې دروغ وایي. لامل یې دا نه دی چې زمونږ چارواکي غټ او بې سویې دروغجن دي، اصل کې مونږ آماده یو چې دا هر څه ومنو. هوایي دهلېزونو ته مو هوا ورکړه، د ابرېشمو لار (چې یو رېل یوازې یو ځل راغی او بیا مو ونه لید) ته ونڅېدو، اروپا سره یې په شپږو لاریو موټرو وصل کړو (فقط یو ځل څو موټر تر مدیترانې لاړل او بس)، چابهار د کراچۍ ځای ونیوهٔ او په دې توګه افغانستان نور د بدو ګاونډیو له اقتصادي محاصرې خلاص شو.

برېښنا مو دومره ډېره تولید کړه چې هند، پاکستان او بنګلدېش باندې یې پلورو؛ کابل کې مېترو جوړه شوه، کاسا یکهزار باندې خو لا جنګونه وشول، مظاهرې وشوې. د ټاپي پروژه تطبیق شوه او د ننګرهار ترکاري هم پاریس کې خرڅه شوه.

دا ټول دروغ مو ومنل، نو زمونږ حکومت حق لري چې ووایي لوګر کې داسې هوایي ډګر جوړوي چې د دوبۍ هوایي میدان سره سیالي وکړي. ځکه چې مونږ چا سره د تېرو حساب نه کوو، حافظه مو تېره زمانه په یاد کې نه ساتي.

 

ورته لیکنې

ګډون وکړئ
خبرتیا غوښتل د
guest

1 Comment
زړو
نویو ډیرو خوښو شویو
Inline Feedbacks
ټولې تبصرې کتل
طوطی

د هر څه امکان شته چی دا مصیبت جنګ نوی. جنګ به ټول د نیستی کندی ور واچوی په اول کی به د پښتون قوم ختم کړی او پاتی به یی غلامان وګرځوی.

Back to top button
1
0
ستاسو نظر مونږ ته دقدر وړ دی، راسره شریک یې کړئx