شعـــــرونه

نه ښایسته دی نه بدرنګ/ رائد

صفی الله رائد

ته یې وګوره چې راشي
دومره ندی قد کې دنګ

داسې چا یې زړګی وړی
نه ښایسته دی نه بدرنګ

خدا د چا سترګو وهلی
چې په دې تهمت دی رنګ

راشه څنګ کې یې دمه شه
نه یې خوب شته نه پالنګ

لکه شمع داسې سوزي
په دې اور کې نه دی تنګ

پخپل عشق کې زورېدلی
هو بهو لکه پتنګ

رائد داسې رنځ اخیستی
نه به روغ شي او نه ړنګ

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x