معززو فاضلانو ته ډالۍ/ تپاند زهاد

تپاند زُهاد

قربان دې شم راځه د فضیلت پګړۍ په سر کړه
د ګران رسول الله د وراثت پګړۍ په سر کړه

د سپین پاج ولونه ولونه استادان دي پر سر تاو کړي
زر ځله دې تبریک د سعادت  پګړۍ په سر کړه

وارث د پیغمبر شوې د اُمت د زړو ټکور شوې
داعي د پاک اسلام شوې د عزت پګړۍ په سر کړه

قدم په احتیاط اخله چې شیطان دې دوکه نه کړي
د حق شه لاروی د بشارت  پګړۍ په سر ګړه

دا ویاړ او افتخار رب ذوالجلال کړو در په برخه
شاکر اوسه فاضِله د عظمت پګړۍ په سر کړه

ځلیږې لکه ستوری نوراني مخ دې رڼا کړي
له تا سره کړي خوند د علمیت پګړۍ په سر کړه

تپاند زُهاد په مینه تبریکي درته وایمه
راځه غاړه دې راکړه د زینت پګړۍ په سر کړه