افغانستانسولې اړوند خبرونه

اشرف غني د برتانیا له لومړي وزیر سره د افغان سولې په اړه غږېدلی

نن ټکی اسیا (شنبه، ۹ کب، ۱۳۹۹ل): د کابل حکومت مشر  «اشرف غني» د برتانیا له لومړي وزیر  «بوریس جانسن» سره تلیفوني خبرې  کړې  دي  او دواړو لوریو د افغانستان او برتانیې د اړیکو د پراختیا او سولې پروسې په اړه بحث کړی.

له ارګ څخه په همدې تړاو خپره  شوې خبرپاڼه کې راغلي، چې په دې تلیفوني خبرو کې د برتانیې لومړي وزیر اشرف غنی ته د افغانستان سولې پروسې، د سولې روانو هڅو لپاره د سیمه ییزې ډیپلوماسۍ د پیاوړتیا او د کابل حکومت له دولتي عسکرو څخه د خپل هیواد د دوامداره ملاتړ ډاډ ورکړ.

د خبرپاڼې په بنسټ، د تلیفوني خبرو په مهال دواړه لوري د افغان سولې پروسې په راتلونکو ګامونو هم وغږېدل او د برتانیې لومړي وزیر په افغانستان کې د جګړې د شدت د زیاتوالي له امله اندېښنه وښوده.

دغه تلیفوني خبرې داسې  مهال دي، چې په قطر کې د افغان سولې خبرو دوهم پړاو پيل شوی دی او له کابو یوه میاشتني ځنډ وروسته دواړه لوري یو ځل بیا د مذاکراتو مېز ته راګرځېدلي.

یو شمېر سرچیني وایي، تېره ورځ هم دواړو لوریو ګډه ناسته کړې او د مذاکراتو د اجنډا په جزئياتو باندې غږېدلي  دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x