ټولنیزه برخه

د پند او نصیحت ډکه کیسه

همت له پکتيا څخه

وایي چې د موسي علیه سلام په وخت کې یو ځوان او یوه نجلۍ په یو بل سره مین شول لیدل او کتل یې زیات شول مینه یې له حده واوښته.

غوښتل یې چې یو ځای شي خو نه کیدل آخر د خپل کلي نه وتښتیدل دواړه ډېر لرې لاړل یو ځای سخت ستړي شول غوښتل یې چې لږه دمه وکړي ځوان وویل ته زما په زنګون سر کیږده ویده شه زه به پئره کوم نجلۍ همداسې وکړل ویده شوه خو څو شیبې وروسته ځوان وپوهیده چې نجلۍ خپل روح له لاسه ورکړی دی او مړه شویده.

ځوان په چیغو وژړل نجلۍ ته یې ډېرې نارې وکړې خو نجلۍ چې په ابدي خوب ویده وه هېڅ غږ یې ونکړو پدې وخت کې حضرت موسی علیه سلام راغلو.

له ځوان څخه یې د ژړا او فریاد پوښتنه وکړه ځوان له خپلو سترګو اوښکې پاکې کړې په ژړاغوني انداز یې خپله ټوله کیسه ورته وکړه د موسی علیه سلام زړه پرې وسوزیده خپل لوی رب ته یې لاسونه لپه کړل د نجلۍ د ژوندۍ کیدو دعا یې وکړه د خپل رب لخوا ورته وویل شول نجلۍ په یو شرط ژوندۍ کیږي ځوان چې څلوېښت کاله عمر لري باید له نجلۍ سره یې نیم کړي کنه نو نه ژوندۍ کیږي موسی علیه سلام ځوان ته دغه خبره وکړه ځوان په ډېره لېوالتیا او په مینه له سوچ فکر پرته خپل نیمایي عمر نجلۍ ته هدیه کړ او په موسکا یې وویل ځه نو دا شل کاله هم ډېر دي چې په یوځای یې تېرکړو او بیا په یو ځای مړه شو.

نجلۍ د موسی علیه سلام په دعا او د رب العلمین په آمر بېرته را ژوندۍ شوه ځوان تېره شوي ټوله کیسه نجلۍ ته ټکي په ټکي وکړه نجلۍ د مننې په انداز وویل ځه ښه ده.

شل کاله هم ډېر دي نجلۍ پسې زیاته کړه اوس ته ویده شه زما غم درباندې تېر دی او خوب دې هم نه دی کړی.

ځوان همداسې وکړل د نجلۍ په زنګون یې خپل سر کیښود ویده شو پدې وخت کې د پاچا زوی په لاره تېریده نجلۍ یې چې ښکلي او جزابې څهرې ته وکتل مال دولت آسونه او غلامان او داسې نور.

نجلۍ بیا خپل مین ته وکتل ځوان یې له پامه بد شو پرېکړه یې وکړه چې همدا د ژوند ښه ملګری دی.

د ځوان سر یې غلی د خپل زنګون نه خاوروته کړ
نجلۍ د پاچا په زوی پسې روانه شوه یو څه وخت وروسته ځوان راویښ شو یو بل خوا یې وکتل نجلۍ نه وه خو آخر ورته معلومه شوه چې نجلۍ د پاچا له زوی سره تللې ده ځوان بیا موسی علیه سلام ته راغی او دغه شکایت یې ورته وکړ موسی علیه سلام ورته وویل چې پاچا ته عارضه وکړه ځوان همداسې وکړل د پاچا په دربار کې یې منډې ترړې وکړې پاچا ته یې همدا خبره وکړه.

چې زوی دې له ماسره زیاتی کړی دی زما نه یې ښځه په زور راوستلي ده پاچا خپل زوی او نجلۍ دواړه راوستل له زوی نه یې همدا پوښتنه وکړه د باچا زوی وویل ښځه ما په زور نه ده راوستلي دا په ماپسې شاته راغله وایل یې څوک نلرم ته مې خوښ شوې پاچا نجلۍ ته مخ واړوه.

آیا
دغه ځوان پخپله خبره کې ریښتینی دی کنه
نجلۍ چې ډېره په ځان مینه وه د مکر او فرېب نه ډکه یوه خندا یې وکړه دا سوالګر نه پوهېږم چې چېرته یې زه لیدلي یم خو په هر حال زه دی نه پېژنم په ټول عمر کې مې هم ندی لیدلی او پخپله دعوه کې بېلکول دروغجن دی پاچا ځوان ته مخ واړوه آیا ته د خپلې خبرې لپاره کوم شاهد لرې کنه ځوان وویل چې موسی علیه سلام لري پاچا وویل که داسې نه وي نو د اعدام زیندۍ ستا انتظار باسي ځوان موسی علیه سلام د شاهدۍ دپاره راوست ځوان د موسی علیه سلام په مخکې یوځل بیا خپلې پخوانۍ خبرې او احسانونه وریاد کړل خو نجلۍ انکار وکړ دا ځل موسی علیه سلام د پاچا او ټولو خلکو په مخکې پوښتنه وکړه هغه ستا له کوره تېښته او بیا مرګ او بیا د ځوان نیم عمر او هغه لېونۍ مینه آیا دا ټول ته هېروې نجلۍ په ډېرې سپین سترګۍ سره وویل زه نه تا پېژنم او نه دغه سوالګر ځوان او نه زه مړه شوي یم او نه بیا چا را ژوندۍ کړې یم او بس.

موسی علیه سلام ځوان ته مخ واړوه ځوانه مه خفه کېږه اوس ددې فیصلې کلي ستا په لاس کې ده.

خپل عمر دې له رب څخه بېرته وغواړه زړه ماتي دهوکه شوي او ناهیلي شوي ځوان خپل رب ته لاسونه لپه کړل.

او په ډېره لیوالتیا یې د خپل رب نه د خپل عمر غوښتنه وکړه دغه دعا د خولې نه نه وه راوتلي چې نجلۍ د یوې بې اختیاره بوجۍ په څېر راپرېوته پای.

یادونه
دا د عاشقانو او مینانو د ورځې په مناسبت وړاندې شوه هغه ځوانان او پېغلې چې دغه پردی کلتور دلته رواجول غواړي او خپلو عاشقانو او معشوقو ته د ګلونو ګیډۍ او مختلفې تخفې لېږي خپل مور او پلار خواږه وروڼه او خواږه دوستان د یوه بې وفاء او پخپل ځان مین د وخت تابع ملګري په سر خفه کوي دا خو لا پرېږده چې ان هغه غیرتي رب او رسول هم ترې خفه شي دوی دونیا او آخرت دواړه له لاسه ورکړي هیله ده چې پدې آړه ښه فکر وکړۍ نور واضحت ته اړتیا نشته فقط ولیکۍ چې ولوستل شوه په لیکلو مې پوره درې ساعته وخت تېرکړ.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
نعمت الله

ماشأالله
ولوستل شو

Back to top button
1
0
Would love your thoughts, please comment.x
()
x