شعـــــرونه

خدای خبر چې دا د کوم یتیم ازار دی/ علم

عبيدالله علم

خدای خبر چې دا د کوم یتیم ازار دی
مونږ ته نه راځي له مونږه چې بیزار دی

نور مو معاف کړه توبه گار یو پاکه ربه
سولې راشه رحم موږ باندې پکار دی

دا د وینو سیلابونه چې بهیږي
د مرګي کټ مو اوږو باندې تل بار دی

روغ کورونه مې چې تا وه سم لیدلي
راشه اوس وران دي هر یو بمبار دی

هغه ځوان چې يې پرون د واده ورځ وه
نن پرې جوړ د تورو خاورو لوی انبار دی

مشالونه مو د علم وژل شوي
ځکه اوس تورتم کې ډوب کلی او ښار دی

سولې راشه د (علم ) د ژوند لمر لويږي
ښکاري روغ خو په زړګي باندې بیمار دی

عبیدالله علم

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x