افغانستان

خوست: د کمپاین عسکر په خپله چاپه کې د درنې مرګ ژوبلې سره مخ شوي

نن ټکی اسیا (دوشنبه، ۱۸ کب، ۱۳۹۹ل): تیره شپه د خوست ولایت په سپیرې ولسوالۍ کې د کمپاین عسکر د یوې چاپې پر مهال د درنې مرګ ژوبلې سره مخ شوي دي، د ځینو راپورونو سره سم تر ۲۵ زیات عسکر یې وژل شوي او په لسګونو نور یې ټپيان شوي دي.

د نن ټکی اسیا د سرچینو د راپور سره سم یاده چاپه چې د سي آی ای د ملاتړ څخه برخمن د کمپاین ځواکونو تېره شپه د سپیرې ولسوالۍ د کانټینر په سیمه کې اچولې، په ترڅ کې يې د جګړې دواړو اړخونو ته درنه مرګ ژوبله اوښتې ده.

ویل کیږي چې د کمپاین د عسکرو ۲۵ کسان مړه او تر شلو پوري یې نور ټپيان شوي دي، څلور رینجري يې سوځېدلي او پنځه رینجري نوري طالبانو غنیمت کړي دي.

په ورته وخت کې د ملکیانو او طالبانو په ګډون تر ۲۰ پوري کسان وژل شوي دي چې ځیني يې پاکستاني طالبان هم دي.

د خوست کمپاین عسکر د سي آی ای تر سرپرستۍ لاندي عملیات کوي او ددې تر مخه د نړیوالو حقوقي او بشري ادارو له لوري په بشري جنایاتو او جنګي جرمونو تورن شوي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x