د فتحې اذان/ تپاند زهاد

تپاند‌ زهاد

د حق د سپین منبره یو اذان د فتحې وکړه
طالبه بختوره  یو اذان د فتحې وکړه

ملنګه طالب جانه صدقه دې د حریت شم
د هسک پامیر له سره یو اذان د فتحې وکړه

نړۍ ګوته په غاښ ستا سیاست ته شوه حیرانه
ژوندی اوسې رهبره یو اذان د فتحې وکړه

الله دې ستا خلا په ژوند کې نه راولي ګرانه
جانانه له سنګره یو اذان د فتحې وکړه

غازي یې، مجاهد یې، قدرمن یې محترمه
زما د زړګي سره یو اذان د فتحې وکړه

غیور ملت  مو ټول د امارت په انتظار دي
خوشحال دي لر او بره یو اذان د فتحې وکړه

تپاند زُهاد پر سر به دې سپین پاج در وتړمه
راځه غازي دلبره یو اذان د فتحې وکړه