افغانستان

کابل: د ارګ پر موټر چاودنې نهو تنو ته مرګ ژوبله اړولې

نن ټکی اسيا(سې شنبه، د چنګاښ ۲۴مه، ۱۳۹۳ل): د طالبانو وياند ذبيح الله مجاهد رسنيو ته په لېږل شوې خبرپاڼه کې څرګنده کړې، چې نن سهار اوونيمې بجې پلازمېنه کابل ارزان قيمت سيمه کې د ولسمشرۍ دفتر د مامورينو پر فلاينګ کوچ چاودنې درې تنه وژلي او شپږ نور يې ټپيان کړي دي.

د کابل د پوليسو وياند حمشت الله ستانکزی د پېښې پخلی کوي او وايي، چې د ولسمشرۍ دفتر په فلاينګ کوچ موټر د ريموټ کنټرول په واسطه چاودنه شوې، چې نتيجه کې يې دوه مامورين وژل شوي او پنځه نور ټپيان دي.

ښاغلي ستانکزي وويل، چې د وژل شويو او ټپيانو هويت نه دی څرګند شوی، خو په دې اړه پلټنې روانې دي.

د ارزان قيمت سيمې د ۱۲مې حوزې آمر اکرام الدين سريع وايي، چې پېښه کې ولسي وګړيو ته زيان نه دی اوښتی، بلکې ټول وژل شوي او ټپيان د ارګ مامورين دي.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x