شعـــــرونه

د کمال خان بند/ پير محمد کاروان

پير محمد کاروان

د خوږو اوبو روان سرود غږېږي
ګوندې وي چې اوښکې وینې و دَرېږي

په څپو څپو روانه کمال خانه
کله لمر کله سپوږمۍ درته موسېږي

پر سیستان به بیا بهیر ګلونه راشي
اوس دې ګوډ تیمور په قبر کې ځورېږي

اوبه آب دی د وطن د مرغلرې
په ځل ځل یې مرغلره ده ځلېږي

بزګران به بیا زرغونې ټپې وایي
کروندې به په جامو کې نه ځایېږي

چې تاخونو ته د وړانګو مرغۍ ورشي
له خوښۍ به ورته شمعې وژړېږي

د افغان ماشوم د رسم کتابچه ده
د کاروان په زړه کې رود، بېړۍ رسمېږي

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx