ټولنیزه برخه

د لویانو چوپتیا

حامد افغان

محمد بن واسع الازدي (وفاة: 123هـ) رحمه الله ستر امام، مجاهد او تابعي و، یوه ورځ د خراسان والي قتيبة بن مسلم رحمه الله ته په داسې حالت کې ورغی چې د وړۍو چپنه یې اغوستې وه، قتیبة ورته وویل: دا جامې دې ولې اغوستې دي؟ هغه چوپ ناست و! قتیبة ورته وویل: زه درته غږیږم ته ځواب نه راکوې؟!

محمد ورته وویل: دا خوند نه راکوي چې درته ووایم د زهد له امله، ځکه دا د ځان پاکونه او ستاینه ده او که درته ووایم چې د غریبي له امله مې د وړۍو چپنه اغوستې ده؛ دا د الله نه شکایت غوندې کیږي. نو ستا د خبرې ځواب چوپتیا ده. العقد الفريد لابن عبدربه

اوریدلي مې دي چې د کوزې پښتونخوا، صوابۍ ولسوالۍ، زروبۍ سیمې مشهور عالم، مفتي محمد فرید رحمه الله نه به که چا د مرض په حالت کې د مرض پوښتنه وکړه؛ هغه به چوپ پاتې شو!

یو وخت په دې اړه کوم نږدې شاګرد پوښتلی و، هغه ورته ویلي و چې که ناروغي کې د حال پوښتونکي ته ووایم چې ښه یم نو دا دروغ شول او که ورته ووایم چې نه یم ښه، نو دا له الله نه شکایت غوندې شو، ځکه چوپتیا غوره کوم.

یو وخت زموږ مخکې یوه ملګري په مکرر ډول وپوښتی چې صحت مو څنګه دی؟

دی اول کې چوپ و، وروسته یې په موسکا ورته وویل: ډېرې پوختنې خې نه یي…

الله دې جنتونه نصیب کړي.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x