افغانستان

کندهار کې پر مسافر وړونکي بس د ټانګ خیژولو له کبله ۱۷ مسافرو ته مرګ ژوبله اړولې

نن ټکی اسیا (سه شنبه، ۱۷ وری، ۱۴۰۰ل): د کندهار ولایت په میوند ولسوالۍ کې د مسافرو په ۴۰۴  بس موټر د پولیسو د ټانګ خیژولو له کبله لږ تر لږه ۱۷ مسافرو ته د مرګ ژوبلې اووښتو خبر ورکړل شوی دی.

دا پېښه نن ماښام د میوند ولسوالۍ بازار ته څېرمه دوراهي سیمه کې د پولیسو پوستې ته څېرمه هغه مهال رامهال رامنځته شوه کله چې د پولیسو یو «نشه یې» موټر چلوونکي پر مسافر وړونکي بس موټر هاموې ټانګ ور وخيژولو.

له پېښې سره مخ شوی ۴۰۴ بس موټر د هلمند ټرانسپورټي شرکت اړوند دی، چې له لښکرګاه څخه کابل ته روان ؤ.

ځايي چارواکي وايي، د پېښې له ځایه ۱۴ ټپیان روغتونونو ته لیږدول شوي او د درې تنو مسافرو مړي او ژوندي په هکله بیخي معلومات نشته.

د چارواکو په خبره په دغه پېښه کې یو پولیس هم وژل شوی دی.

دا لومړی ځل نه دی چې د پولیسو او عسکرو ټانګونه د بې احتیاطۍ او «نشې» له کبله د مسافرو موټر باندې خيژول کیږي، بلکې تردې وړاندې هم ورته لسګونو پېښو کې ګڼو ملکیانو ته مرګ ژوبله اووښتې ده.

که څه هم د کورنیو چارو او دفاع وزارتونو چارواکي د پولیسو او عسکرو په لیکو کې د نشه یې توکو او چرسو په استعمال د کلک بندیز خبره کوي؛ خو لاهم د پولیسو او عسکرو په لیکو کې د نشه یې توکو او چرسو استعمال د «معمول» خبره ده، د کومې له کبله چې د دولتي عسکرو په لیکو کې د روږدو کسانو شمېر ورځ تر بلې مخ په زیاتېدو دی.

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx