ټولنیزه برخه

زرپارې«درويشتمه برخه»

ليکوال: مفتي محمد تقي عثماني

ژباړن: احمد ګل ریان

عمر بن عبدالعزيز رحمه الله ته نصيحت:
عمر بن عبدالعزيز رحمه الله د عمر رضی الله عنه لمسي سالم بن عبدالله رحمه الله ته ليک وليږه، چې د عمر بن خطاب رضی الله عنه خطونه ورته واستوي. سالم بن عبدالله رحمه الله ځواب ورکړ:
عمره! هغه پاچايان درياد کړه چې د خوندونو اخيستل يې کله هم نه ختمېدل، نن يې سترګې چاودلې دي، هغه چې خېټې يې نه مړېدې، نن خپله د دوی خيټې پخې شوې دي، نن ورځ د زمکې په غېږ کې له هغوی څخه داسې مرداري جوړه شوې ده چې يو ادنی فقير يې خوا ته ورشي، هم به يې له بد بويي نارامه شي.

د نعمت اثر بايد ښکاره شي:
امام ابو حنيفه رحمه الله يوه ورځ په خپل مجلس کې يو سړی وليد چې زړې او شکېدلې جامې يې پر تن وې. امام صاحب دې سړي ته وويل: جای نماز پورته کړه او څه چې ترې لاندې دي، هغه واخله.

سړي جای نماز پورته کړل او زر درهمه يې وليدل. امام صاحب ورته  وويل چې دا درهم درسره واخله او ځان ته پرې کالي جوړ کړه.

سړي وويل: زه دولت لرم، الله تعالی راباندې ډېر نعمتونه لورولي دي، دې دراهمو ته اړتيا نه لرم.
امام صاحب ورته وويل: تا دا حديث نه دی اورېدلی چې الله تعالی دا خوښوي چې په بنده يې نعمتونه ښکاره او نور خلک وويني؟ تا بايد ځان پاک او نوي کالي اغوښتې وای، تر څو دې په ليدلو نژدې دوستان خپه نه شي. (خطيب رحمه الله: تاريخ بغداد ج: ۱۳ ص: ۳۶۱، بيروت)

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x