افغانستان

طالبانو په فاریاب کې له ۲۰۰۰ اړمنو کورنیو سره د خوراکي توکو مرسته وکړه

نن ټکی اسیا (سه شنبه، ۱۷ وری، ۱۴۰۰ل): د فاریاب ولایت په دولت آباد ولسوالۍ کې طالبانو له ۲۰۰۰ اړمنو کورنیو سره د خوراکي توکو مرسته کړې ده.

د طالبانو ویاند قاري یوسف احمدي وايي، په دغو مرسته شوو خوراکي توکو کې د هرې کورنۍ لپاره اوړه، غوړي، حبوبات او مالګه شامل دي، چې د یوې منظمې پروسې له مخې ورته ویشل شوي دي.

دا په داسې حال کې ده چې په دې وروستیو کې د فاریاب ولایت یو شمېر ولسوالیو خلک د «وچکالۍ» او پوځي عملیاتو له کبله له مالي ستونزو سره لاس او ګریوان دي او روژې مبارکې میاشتې په رارسېدو سره د مرستندویه ټولنو مرستو ته سترګې په لار دي.

باید وویل شي چې طالبانو تردې وړاندې هم د هېواد په ګڼو ولایاتو کې له اړمنو او ناچاره کورنیو سره د خوراکي توکو مرستې کړي او هڅه کوي چې د مرستو د ویش دغه لړۍ د هېواد ټولو بې وزلو او جګړه ځپلو سیمو ته وغځوي.

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx