دیني، سیرت او تاریخ

دا صدقه نه قبليږي!

عبدالغفار جبير

کله چي پر شتمنو کسانو باندي د الله عذاب راځي يوه وجه يې داده چي دغه شتمن د بې وزلو، يتيمانو او کونډو سره تعاون نکوي په قرآنکريم کي راځي:

وَأَمَّآ إِذَا مَا ابْتَلٰهُ فَقَدَرَ عَلَيْهِ رِزْقَهُۥ فَيَقُولُ رَبِّىٓ أَهٰنَنِ

او كله چي هغه په ازمېښت کښي واچوي او روزي يې پر تنګه کړي، نو هغه وايي: “زما رب زه ذليل کړم.”

كَلَّا ۖ بَل لَّا تُكْرِمُونَ الْيَتِيمَ

هیڅكله نه، بلکي تاسي له يتيم سره د عزت چال چلند نه كوئ؛

وَلَا تَحٰٓضُّونَ عَلٰى طَعَامِ الْمِسْكِينِ

او مسكين ته د خوړو په وركولو يو بل نه هڅوئ؛
(سورت الحشر ١٧- ١٩)
يو ځل خو ډېر لږ کسان د خداى لپاره خپل زکات يا صدقات و مستحقينو ته ورکوي، په دې کي داسي کسان سته چي هرڅه د شريعت مطابق کوي، د زکات يا خيرات په ورکولو کي نه مسکين زهيروي، نه بد ورته وايي او نه هم د کومې مسلمانې خور عفت او عزت اخلي، خو ځيني بيا د يو کيلو وړو او يوه بوتل غوړو په مقابل کي يوه محجوبه مسلمانه خور له کوره راباسي تر څو عکس يې وانخلي دغه يوه کيلو وړه نه ورکوي.

که دغه پتمنه خور شتمنه واى د خپل يوه وېښته حيا بې په يوه ميليون ډالر نه واى ښکاره کړي خو تا اى ظالمه د يو کيلو وړو په مقابل کي بې ستره او د ريا لپاره و پرديو ته ښکاره کړه، که دي فرض زکات ورکړ صرف فرض ادا سول نور ثواب دي نسته همدغه عکس دي اجر دى او که خيرات په داسي شان ورکوې پوه سه چي په اخرت کي د ثواب څخه خلاص همدغه عکس او ريا در ورسېدل.

په قرآنکريم کي راځي:
يٰٓأَيُّهَا الَّذِينَ ءَامَنُوا لَا تُبْطِلُوا صَدَقٰتِكُم بِالْمَنِّ وَالْأَذٰى كَالَّذِى يُنفِقُ مَالَهُۥ رِئَآءَ النَّاسِ
[سُوۡرَةُ البَقَرَة : 264] اې مؤمنانو! خپل خيراتونه په احسان بارولو او ازار رسولو، د هغه چا په څېر مه خاوري كوئ، چي خپل مال محضي خلكو ته د ښودلو لپاره لګوي.

دا چي دا مسکينه مسلمانه ښځه يا دي د خور پر ځاى، يا د لور پر ځاى او يا دي د مور پر ځاى ده ولي يې له خپل کوره راباسې، چي راودي ايستل بيا نو ظالمه عکسونه ولي ورڅخه اخلې.

الله دې هدايت درته وکړي.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
حمزه ملکزی

السلام علیکم محترم عبدالغفار جبیر ته
محترمه وروره ډیره ښایسته لیکنه مو کړۍ جزاک الله الخیر فی الدارین.
تاسو کوم آیتونه چی مو د صدقه په اړه لیکلي هغه دِ سورت الحشر نه بلکی دِ سوره الفجر دی.
مننه په درنښت

نعمت الله

جبیر صاحب تاسو خدمت ته سلامونه وراندی کوم
بلکل ښه ځای ته مو پام شوی چه زمونږ صدقات هم غربی شوی دی مونږ هر څه دغرب څخه اخلو بیا هغه عملی کوو مونږ کت مت دغرب پیروان شوی یو، الله په مونږ باندی رحم وکری.

Back to top button
2
0
Would love your thoughts, please comment.x
()
x