دیني، سیرت او تاریخ

د الله تعالى د معصيت او نافرمانۍ څخه ځان ساتنه

ترتيب کوونکى: نصير تکل

د مسلمان او کافر بنسټيز توپير دادى چې مسلمان د الله تعالى اطاعت کوي او کله چې الله تعالى ور څخه راضي وي نو الله تعالى په هر ميدان کې دده مرسته او تائيد کوي، دده ساتنه کوي او ده ته کاميابي ورکوي.

که چېرته په مسلمان کې د الله تعالى د اطاعت ماده ختمه شي نو بيا خو د مسلمان او الله تعالى ترمنځ څه نسبي تعلق نشته چې د هغې په بنياد الله تعالى له مسلمان سره مرسته وکړي.

د اسلام دوهم خليفه حضرت عُمر فاروق رضي الله عنه حضرت سعد بن ابي وقاص رضي الله عنه کله عراق ته ليږلو؛ نو داسې يې ورته وليکل: يا سعد! لا يغرنك أن قيل: خال رسول الله صلى الله عليه وسلم و صاحبه فإنه ليس بين أحد و بين الله نسب إلا الطاعة.

سعده! دا خبره تا دوکه نه کړي، چې خلک ووايي ته د رسول الله صلى الله عليه د ماما خېلو او ملګرو له جملې څخه يې، بېشکه دالله تعالى او بنده ترمنځ له اطاعت پرته کوم نسبي تعلق نشته.

نو د کافر په مقابل کې د مجاهد د کاميابۍ او حفاظت تعلق د الله تعالى په خوښۍ او رضاء کې نغښتى او کله چې له مجاهد څخه د الله تعالى نافرماني وشي؛ نو الله تعالى ور څخه ناراضه شي، هغه د الله تعالى د حفاظت او ساتنې څخه محروم شي.

لهذا مجاهد بايد د همېشه لپاره له الله تعالى سره د اطاعت مضبوط تعلق ولري او دده په ژوند کې داسې سبب پيدا نشي چې هغه د الله تعالى د ناراضتيا سبب وګرځي.

د مثال په توکه د ريا، ځان ښودنې، د خلکو په منځ کې د شهرت پيدا کولو، ځان ښوونې، په خپل نظر اعتماد کول، په خلکو د لويۍ او تکبر څخه، په خلکو د خپل عمل احسان کولو او داسې نورو قلبي بېماريو څخه ځان وساتي.

الله تعالى فرمايي: وَيُحَذِّرُكُمُ اللَّهُ نَفْسَهُ.
ژباړه: الله مو د خپل ځان (له عذاب) ويروي.

أي يحذركم عقابة بأن تباشروا المعاصي و ما يسليك الرب جل جلاله فيحل عليكم عذابه أو تفقدوا نصره وتأييده.

الله تعالى تاسې د خپل عذاب څخه وېروي يعنې که تاسې د الله تعالى نافرماني او هغه عمل وکړئ چې د الله تعالى د ناراضتيا سبب ګرځي نو د الله تعالى عذاب به درباندې راشي او يا به دالله تعالى له مرستې او تائيد څخه محروم شئ.
له الله تعالى څخه د انسان هېڅ عمل پټ نه وي. الله تعالى فرمايي: وَاعْلَمُوٓا أَنَّ اللَّهَ يَعْلَمُ مَا فِىٓ أَنفُسِكُمْ فَاحْذَرُوهُ ۚ وَاعْلَمُوٓا أَنَّ اللَّهَ غَفُورٌ حَلِيمٌ

ژباړه: او ښه وپوهېږئ چي الله آن ستاسي د زړونو په رازونو پوهېږي؛ نو د هغه څخه ووېرېږئ او په دې هم وپوهېږئ چي الله زغمونكى دى، له وړو وړو خبرو تېريږي.
(په اسلام کې د استخباراتو نظام، ۳۳_۳۴صفحه)

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x