افغانستان

بغلان کې پر روغتون د حکومت بمبار مرګ ژوبله اړولې

نن ټکی اسیا (سه شنبه، ۲۸ غویي، ۱۴۰۰ل): د بغلان ولایت په مرکزي بغلان ولسوالۍ کې پر یوه خايی روغتون د حکومتي‌ الوتکو بمبار د ناروغانو او ډاکټرانو په ګډون لس تنو ته مرګ ژوبله اړولې او د روغتون زیاته برخه یې ویجاړه کړې.

له سیمې څخه په همدې تړاو خپرو شویو راپورونو کې راغلي، چې د مرکزي بغلان ولسوالۍ اړوند «شهر کهنه» بازار کې پر عمومي کلینیک بمبار شوی، چې له امله یې یو ډاکټر او یو ناروغ وژل شوي او د دوو ډاکټرانو په ګډون اووه تنو ولسي وګړو ته مرګ ژوبله اوښتې.

د راپورونو له مخې، د بمبار له امله د روغتون ودانۍ تخریب شوې او یو امبولاس او ځیني وسایط له منځه تللي.

 

حکومت که څه هم تر دې دمه د پېښې په تړاو څه نه دي ویلي، خو پر روغتون هوایي برید داسې مهال دی، چې په تېرو څو اوونیو کې طالبانو د یاد ولایت ګڼې سیمې تر خپل واک لاندې راوستلې.

حکومت ادعا کوي، چې پر بغلان ولایت د طالبانو له لوري شوي بریدونه یې په شا تمبولي.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
سرفراز

دا ناکاره او دشر او فساد آداره چی هر چیری بمبارد او وژنی کوی بیا یی ډیر په سپین سترګی په نورو وراړوی ددی آداری چارواکو او ویاندویانو ته په آینده کی سره له نورو خیانتونو ددوراغ ویلو سزا یعنی ژبی باید تری په عام محضر پری شی تر څو دنورو دعبرت سبب شی

غوربندی

د اسلامي امارت د محاکمو په سرپرستی د ملکي تلفاتو د مخنیوی کمسیون مسوولیت دی تر څو د سیاسي دفتر په مرسته ددغې وحشي/جنګي جنایت تفصیلي راپور تهیه او د ګوډاګی ادارې د قاتلو چارواکو لکه غني، امرالله صالح، محب و غیره نومونو پر ضد یې له خپل لوري یا د مقتولینو د ورثه وو په نوم شکایت د جنګی جنایاتو نړیوالې محکمې (ICC ) ته وسپاري.

په دې کار سره به په راتلونکې کې د نوموړو ګوډاګیو چارواکو پر مخ بهر ته د تېښتې /سفر لارې وتړل شي.

طوطی

ښه خبره ده د طالب د مشرانو پر مخ خو همدا اوس د سفر لارې تړلی دی خو ګورو به چی هغوی به څه وخت نړیوالی محکمی ته معرفی شی.

Back to top button
3
0
ستاسو نظر مونږ ته دقدر وړ دی، راسره شریک یې کړئx
()
x