په هرات او میدان وردګو کي (۱۷) تنه عسکر له طالبانو سره یو ځای شوي

نن ټکی اسیا (چهارشنبه، ۱۲ غبرګولي، ۱۴۰۰ل):په میدان وردګ او هرات ولایت کي اولس تنه د کابل حکومت عسکر له طالبانو سره یو ځای شوي دي .

د طالبانو د ویاند «ذبیح الله مجاهد» له لوري په خپره شوي خبرپاڼه کي ویل شوي چي د ملي اردو او پولیسو یادو سرتیري د «حقایق په درک» او د

اسلامي امارت د دعوت ارشاد کمېسیون د مسؤلینو په بلنه د حکومت له نظامي لیکو څخه را بیل او له دوئ سره یو ځای شوي دي .

نوموړي په خبرپاڼه کي زیاته کړې چي د حکومت له لیکو څخه د راوتلیو کسانو دروند استقبال شوی.

په دي وروستیو کي له طالبانو سره د امنیتي ځواکونو د یو ځای کولو لړۍ یو ځل بیا زور اخیستی دی، د هیواد په مختلفو ولایتونو کي ګڼ شمیر سرتیري له طالبانو سره یو ځای شوي دي.

تر دي وړاندي په کندهار ، لغمان ، ننګرهار،بلخ او په بغلان ولایتونو کي هم د کابل د حکومت ګڼ شمیر سرتیرو خپلي قرارګاوي او پوستي له جګړي پرته پریښودلي او له خپلو وسلو، مهماتو او فوځي وسائطو سره یو ځای طالبانو ته تسلیم شول.