شعـــــرونه

رقيبان ګوره اکثره په ملا خم دي/ هلال

هلال مهاجر

ستا د تورې له اثره په ملا خم دي
طالب جانه د زړه سره په ملا خم دي

هغه خلک چې له کیبره به کاګه تلل
نن له ویرې دې دلبره په ملا خم دي

له کږې پګړۍ دی زړه د غلیم ریږدي
مجاهد ملا برادره په ملا خم دي

د نړۍ سپر ځواکونه دي هیواده
له پامیر او له سپین غره په ملا خم دي

له مورچې دې پټ پټ څاري مجاهده
ستا د تور ایم فور لیزره په ملا خم دي

نظامي ځواک مو سنګر کې ورته مات کړ
سیاست کې له دفتره په ملا خم دي

ټیټ سرونه وړي هلاله ورخطاء دي
رقیبان ګوره اکثره په ملا خم دي

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x