افغانستان

اسراییلو د حماس له لوري د خپل پوځي تښتونه ومنله

نن ټکی آسیا (سه شنبه، چنګاښ ۳۱مه ۱۳۹۳ل): اسراییلو په غزه کې د حماس له لوري د یو عسکر تښتونه رسماً ومنله.

اسراییلي رادیو د پوځ د ویاند له خولې نقل کړي چې دوی په شجاعیة سیمه کې ۷ اسراییلي پوځیان له منځه د ۶ اسراییلي پوځيان مړي پیدا کړي او یو ترې ورک دی.

د دوی په وینا دغه پوځیان دوه ورځې دمخه په غزه کې ووژل شول.

تر دې دمخه په ملګرو ملتونو کې د اسراییلو استازي رون بروسور د اسراییلي پوځي د تښتونې خبر رد کړی و.

د حماس جهادي غورځنګ نظامي څانګې کتائب القسام دوه ورځې دمخه د یو اسرایيلي پوځي د نیولو خبر ورکړ. دوی د دغه اسراییلي پوځي نوم او نظامي نمبر هم خپور کړ.

له هغې وروسته چې اسراییلو د غزې په تړانګه ځمکني بریدونه پیل کړي د حماس د مجاهدینو له سخت مقاومت سره مخ شوي.

د القدس العربي د راپور په اساس تر دې مهاله په جګړه کې د اسراییلو ۴۵ عسکر وژل شوي او په سلګونو نور ټپيان دي.

اسراییل تر وسې وسې کوښښ کوي څو په جګړه کې دوی ته اوښتي تلفات کم یا پټ وساتي.

د حماس مجاهدینو له خوا یرغمل شوی اسراییلی پوځي، شاوول اروون
د حماس مجاهدینو له خوا یرغمل شوی اسراییلی پوځي، شاوول اروون

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x