شعـــــرونه

توره تیاره وه خپل قدم راته رڼا کوله/ تړون

سمیع الله تړون

توره تیاره وه خپل قدم راته رڼا کوله
د خوشالۍ په څېر به غم راته رڼا کوله

داسې شیبه وه چې رڼا راڅخه مخ پټاوه
داسې شیبه شوه چې تورتم راته رڼا کوله

خوب کې مالک بن دینار پسې مې ګام اخیسته
او ابراهیم بن ادهم راته رڼا کوله

ستا وحشتونو د بري تر سبا راوستمه
چې مې دښمن و هغه هم راته رڼا کوله

ستا دوذخي عملنامه مې ځکه ښه لیکلې
خپل جنتي ازاد قلم راته رڼا کوله

داسې عسکر وم پاچاهانو مې قدم ښکلاوه
او د دربار هر محترم راته رڼا کوله

تړونه لویو تورتمونو نه راووتمه
وارث د پاک نبي اکرم راته رڼا کوله

تړون

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x