شعـــــرونه

د مور وطن اوښکو ته/ کاروان

پير محمد کاروان

سپینې اوښکې سترګې تورې ولې ژاړې
د وطن د بچو مورې ولې ژاړې

وایه خپلو که پردیو درته کړي
دي کنځل که ستغې سپورې ولې ژاړې

تندرونه دې راغوښتي دي که څه دي
د آسمان څنډو ته ګورې ولې ژاړې

جار سلګیو ته دې کولپ چا اچولی
او کړکۍ د زړه دې پورې ولې ژاړې

خپل بچي دې سره غوښه او چاړه دي
که کیسې دي نورې نورې ولې ژاړې

ماشومان دې په سکروټو کې ایسار دي
که دې لوڼې دي سرتورې ولې ژاړې

ستا د اوښکو په دریاب کې به د کبر
بېړۍ ټولې شي نسکورې ولې ژاړې

۲ اسد ۱۴۰۰ هجري شمسي، خوست، توره وړۍ

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x