هلمند کې طالبانو د حکومت جنګي چورلکه را نسکوره کړې/ويډيو
نن ټکی اسیا (پنجشنبه، ۷ زمري، ۱۴۰۰ل): د هلمند ولایت په مرکز «لښکر ګاه» ښار کې د حکومت یوه جنګي چورلکه د طالبانو په برید کې را نسکوره شوې.
د طالبانو ویاند «ذبیح الله مجاهد» د چورلکې د ویشتلو مسئولیت منلی او پر ټویټر يې لیکلي «لږ مخکې د هلمند مرکز لښکرګاه میدان ته نژدې د مزدور دښمن یوه نظامي هلیکوپتر د مجاهدینو په برید کې رانسکوره شوه.»
دغه چورلکه چې د لښکرګاه هوایي ډګر ته نږدې ویشتل شوې وه، د لښکر ګاه ښار اړوند د نجونو عالي لیسې ته په کمه فاصله کې را لوېدلې ده.
تازه:
صحنه سقوط هلیکوپتر نظامی دشمن در #هلمند pic.twitter.com/W7kYhx9CJd— habibi samangani – حبیبی سمنگانی (@HabibiSamangani) July 29, 2021
حکومتي امنیتي بنسټونو که څه هم تر دې دمه د خپلې چورلکې د ویشتل کېدو په تړاو څه نه دي ویلي، خو په روانه اوونۍ کې دوهمه چورلکه ده چې په هلمند ولایت کې سقوط کوي.
څو ورځې وړاندې یوه بله جنګي چورلکه په نادعلي ولسوالۍ کې هم رالوېدلې وه.
د جنګي الوتکو پرلپسې سقوط داسې مهال دی، چې طالبان د هیواد په بېلابېلو برخو کې چټک پوځي پرمختګونه لري او تر دوو سوو زیاتې ولسوالۍ یې تر خپلې ولکې لاندې راوستلې دي.
ورته مهال له افغانستانه د بهرنیو ځواکونو او د هغوی د قراردادیانو د وتلو لړۍ روانه ده، چې له امله یې حکومت نشي کولای خپلې تخریب شوې الوتکې ترمیم کړي.
طالب داسی ښکاری چی د آینده حکومتداری لپاره هیڅ هیله او اراده نلری. ملی شتمنی ویجاړی کړه، تاسیسات وران کړه فکر وکړی طالب د حکومت سره شریک شو یا فرض وکړه ټول حکومت د طالب شو بیا دومره ورانی طالب په قرضداره او ګدایګر پنجاب باندی جوړه وی؟
په سه شی مو وویشته ؟ سر مو خو خلاص شو؟ د چا خخه وسلی اخلی؟ ناموسونه هم هلته دی لکه د حکومت لورپوری چارواکی