افغانستان

تخار: زورورې چاودنې ۹ کسان وژلي

نن ټکی آسیا (پنجشنبه، زمري ۲مه، ۱۳۹۳ل): د هېواد په شمالي تخار ولایت کې یوې زوروې چاودنې لږ تر لږه ۹کسان وژلي او ۲۷ نور يې ټپيان کړي دي.

چاودنه نن سهار ۱۰:۳۰ بجې شاوخوا د تخار ولایت د خواجه غار ولسوالۍ په مربوطاتو کې وشوه.

د تخار ولایت د امنیه قومندانۍ ویاند خلیل اسیر د چاودنې پخلی کړی او ویلي يې دي چې چاودیدونکي توکي په یوه موټر سایکل کې ځای پر ځای شوي وه او شاو خوا سهار ۱۰:۳۰ بجې وچاودیدل.

اسیر زیاته کړې چې په برید کې لږ تر لږه ۹ ولسي وګړي وژل شوي او ۱۲ نور ټپيان شویدي.

د اسیر په وینا وژل شوي کسان ټول ولسي وګړي دي چې د اختر د سودا اخېستلو لپاره د ولسوالۍ بازار ته راغلي وو.

په پېښه کې ټپي شوي کسان د تخار ولایت مرکز تالقان ښار ته وړل شوي چې د ځينو حالت د انديښنې وړ دی.

د یادونې وړ ده چې څو ورځې دمخه د پکتیکا ولایت په ارګون ولسوالۍ کې موټر بم چاودنه وشوه چې له امله یې ۸۹ کسان ووژل شول او لسګونه نور ټپيان شول.

د شننونکو په اند په ولسي وګړو چاودنې بهرنۍ څارګرې ادارې کوي څو د افغانستان څخه د وتلو سره په افغانستان کې ګډوډۍ رامنځته کړي. د دوی په وینا، امریکا دغه پروسه تر دې دمخه په عراق کې هم عملي کړې، چې تر نن ورځې پورې ادامه لري.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x