افغانستان

طالبانو په هلمند کې د شریعت غږ راډیو نشرات پیل کړي

نن ټکی اسیا (دوشنبه،۱۱ زمري، ۱۴۰۰ل): د هلمند ولایت مرکز لښکرګاه د زیاتره برخو او د ملي راډیو تلویزیون د دفتر له نیولو وروسته اوس طالبانو هلته د شریعت غږ راډیو خپرونې پیل کړې دي.

د هلمند ولایت لپاره د طالبانو ویاند حافظ راشد هلمندي ددې خبر پخلی کړی او زیاتوي چې له شلو کلونو وروسته په لښکرګاه ښار کې ددوی رایويي خپرونې اورېدل کیږي.

https://twitter.com/IrYoXegXXTg6pwj/status/1422199367474114563

دا په داسې حال کې ده چې طالبانو نن ماسپښین ناوخته د هلمند ولایت لومړۍ امنیتي حوزه کې د ملي راډیو تلویزیون دفتر ونیولو او هلته یې د امنیت لپاره ځانګړي کسان ځای پرځای کړل.

د ملي راډیو تلویزیون دفتر ته د ننوتلو پرمهال هلته کوم مامور موجود نه ؤ، ځکه د یاد دفتر مامورین دوه ورځې وړاندې رخصت کړل شوي وو.

باید وویل شي چې په لښکرګاه کې د شدیدو نښتو له کبله څلورو تلویزیونونو او ۹ رسنیزو ادارو خپل فعالیتونه ځنډولي دي.

ورته لیکنې

ګډون وکړئ
خبرتیا غوښتل د
guest

1 Comment
زړو
نویو ډیرو خوښو شویو
Inline Feedbacks
ټولې تبصرې کتل
قیامت دی

افسوس په تاسو د اسلام نوم په اروپا او جهان کی وشرماوه

Back to top button
1
0
ستاسو نظر مونږ ته دقدر وړ دی، راسره شریک یې کړئx