شکوه او جواب شکوه- قاري سعید

شکوه

بیا مو تړمې اوښکې تویې په غزې شوې
بیا مو جوړې له سلګیو انګازې شوې

څه خبر په څه ګناه یو خدای نیولي
چې قدغن د رحم واړه دروازې شوې

نه رحمت نه د نجات لسیزو خلاص کړو
نه شفیع مو د اطفالو جنازې شوې

سږ مو بیا د خولې د وینو ذائقه وه
سږ مو بیا مکروه له وینو نه روزې شوې

د قسام په وطن سره اورونه ګرځي
په کې دود د یاسیني قبر خازې شوې

نه پوهیږو ولې سر په دې حالت شوو
تېرې هیرې مو د فتحو آوازې شوې . .

ځواب

(د اقصی بچوړو خود به مو دا حال وي
چې مو مټې و هیکل ته کوازې(۱) شوې )

ـــــــــــــــــ

۱-کوازه – هغه لرګي چې دودانۍ دجوړولو لپاره د دیوال څنګ ته درول کیږي ترڅو کارګر ورباندې ودریږي او دیوال پورته کړي

سعید