ورزش

کرکټ: افغانستان نن د زمبابوۍ سره حساب برابر کړ

نن ټکی آسیا (پنجشنبه، زمري ۲مه ۱۳۹۳ل): افغانستان نن د زمبابوۍ سره تر هغې وروسته حساب برابر کړ چې څلورمه او وروستۍ سیالۍ کې يې زمبابوۍ ته ماتې ورکړه.

دا درېيمه سیالي ده چې افغانستان یې د لومړۍ درجې هېواد څخه ګټي.

افغانستان د زمبابوۍ سره ۴ یو ورځينۍ سیالۍ درلودلې چې لومړۍ دوه سیالۍ یې زمبابوۍ او وروستۍ دوه يې افغانستان وګټلې.

نن که څه هم افغانستان پچه وبایلله او د لوبې پیل هم چندان نه و، خو د شفیق الله، شینواري او نبي د ښه بیټنګ په برکت افغانستان وتوانېد چې زمبابوۍ ته ۲۶۰ منډې هدف وټاکي.

زمبابوۍ د ۲۶۰ منډو هدف په مقابل کې ایله ۱۵۹ منډې جوړې کړې او ټول لوبغاړي يې وسوځېدل.

د زمبابوۍ لومړي ۶ لوبغاړي ایله په ۳۰ منډو وسوځېدل او نورو څلورو لوبغاړو چې زیاتره یې بالران هم دي وتوانېدل چې منډې تر ۱۵۹ پورې ورسوي.

 

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x