شعـــــرونه

امارت څه دی؟/ پيرزاده

حفيظ الدين پيرزاده

امارت څه دی؟ بس ستر ارمان دی
د شھیدانو یو لوی کاروان دی

امارت څه دی؟ یو تسلسل دی
د یتیم اوښکې څیرې گریوان دی

امارت څه دی؟ د اور سکروټه
یا شھادت دی او یا زندان دی

امارت څه دی؟ په ازغو تگ دی
که یو پریوځي، بل پرې روان دی

امارت څه دی؟ مرگ سرہ لوبې
پر ژوند قمار دی، سوچه تاوان دی

امارت څه دی؟ د لیلې دښته
د مظلومانو، د ژوند داستان دی

امارت څه دی؟ خو شریعت دی
غرب په ھمدغه ور سرہ وران دی

امارت څه دی؟ ملا عمر و
یا په اور سوی منصور جانان دی

امارت څه و؟ مبارزہ وہ
چې بریالۍ شوہ، اوس امتحان دی

امارت څه دی؟ دین او وطن دی
افغانستان دی، افغانستان دی
___________________________

حفیظ الدین پیرزادہ
د اگست ۲۳/ ۲۰۲۱ م
لندن

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx