شعـــــرونه

زړۀ کې مې سوې اندېښنې پاتې دي/ درمان

منصور درمان

زړۀ کې مې سوې اندېښنې پاتې دي
بلې سکروټې لا پرتې پاتې دي

لۀ فزیکي اشغاله خلاص شو هېواد
خو د فکري اشغال ریښې پاتې دي

د شل کلنې جکړې اور مړ شوی
د شل کلن فساد قیصې پاتې دي

د جمهوریت بند ګان و تښتېدل
خو مسلمانې پرګنې پاتې دي

چا چې ډالرو ته سجدې ایښې وې
اوس د هغو پۀ زړۀ لمبې پاتې دي

دلته پۀ زړونو حاکمیت ضرور دی
دلته پۀ بعضې زړو پردې پاتې دي

دغه خړ پړ یتیمان مۀ هېرئ !
دا د شهید د زړۀ ټوټې پاتې دي

د خوږو ستر ګو بلاګۍ دې واخلم
طالبه ! تاته مو اسرې پاتې دي

د شهیدانو ارمان نۀ کړئ خاورې
لا یې پۀ وینو سرې چانټې پاتې دي

څۀ پۀ مسکا وو استشهاد ته روان !!
اخ ، د لمر مخو افسانې پاتې دي

د ګران وطن او د نظام دفاع ته
پۀ ځان زغمل سړې تودې پاتې دی

د لااله الا الله د نظام
دروند مسؤلیت سختې سحنې پاتې دي

منصور درمانه ! د تاریخ پۀ پاڼه
د افغان ننګ او حماسې پاتې دي
ــــــــــــــــــــــــــــــــــ
1443/1/20 یکشنبه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx