هزاره، تاجک، پښتون د دې وطن دي/ نومير

فدامحمد نومير

هزاره تاجيک پښتون د دې وطن دي
نه بيليږې واړه يو وجود او تن دي

که ترکمن، ايماق، بلوڅ او که عرب دي
مالکان د دې هيواد د دې صحن دي

پشه يي، ازبک، ګوجر که پاميريان دي
ټوله وړونه او اعضاء د يو بدن دي

خوشحالي، خفګان د ټولو سره يو دی
يو يې کور يو هديره په يو کفن دي

د خيښۍ خوښۍ اميل لري په غاړه
بې پوښتنې کور و کور ته په رفتن دي

غمازان ناولي هڅه د بيلتون کړي
بيلول کله د تار او د سوزن دي

چې نفاق انشقاق درز اچول غواړي
دښمنان ټول په زر ځل د کشتن دي

نور دې وليکي په دې باب کتابونه
څه چې وويل نومير بس د ګفتن دي

متحده ايالات ، کلفورنيا