شعـــــرونه

دا چې بدليږي د حالاتو پۀ بدلون خلک/ درمان

مولوي منصور درمان
ـــــــــ
دا چې بدليږي د حالاتو پۀ بدلون، خلک
دا نۀ د نن دي او نۀ دوی وو د پرون، خلک

چې پۀ مادیاتو متکي وي معنویت نۀ لري
دا خلک هېڅکله هم ندي د قانون، خلک

چې پۀ اذهانو یې د غرب میډیا پاشلي زهر
دوی ته پکار دي ښۀ راسخ او د سمون، خلک

لۀ ګران هېواد سره یې وکړلو بې کچې غدر
چې وو راغلي د اغیارو پۀ لمسون، خلک

چې تر پرونه یې د امن – امن ساندې کړلې
نن فراري دي ټول لۀ امن او سکون، خلک

د افغانیت او اسلامیت لۀ عنعناتو خلاف
خوښوي ډېر دلته د غرب غوندې ژوندون، خلک

سپينه طالبه! سپین وې، سپین یې، داسې سپین به اوسې
نوم دې داغ دار نکړي مغرض او لاس پۀ خون، خلک

منصور درمانه! د کافر پۀ مقابل کې چپ وي
خو د اسلام پۀ ضد کړي هر وختې غبرګون، خلګ
ــــــــــــــــــــــــــــــ
1443/2/13 دوشنبه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx